كلنا حنام بالليل
و نقوم ناسيين..

مدمنين الزحمة والأفلام
مدمنين الوحشة قبل النوم
مدمني الفرجة على الفتارين
مدمني ماركات
وبني آدمين..
مشيوا مـ الشارع لحد البيت
خافوا من بيتهم
ومـ الشبابيك
خافوا مـ المرواح
ومـ التترات
بعدها يفوقوا من الهيروين..
فـ الميدان اتلمّوا مـ الوحدة
قالوا نبني هناك…جنينة و مول
بعد مول الصبح..
مول الليل
بعد طول الليل..نقوم ناسيين..
فـ الشوارع..
سابوا لمبة نيون
تصحى طول الليل..
للي مش نايمين
فـ السراير..عدوا للمليون..
عدوا كام محمول
و تليفزيون
عدوا كام رنّة
من الأغراب…
عدوا كام صاحب على القايمة
عدوا كام باقي من الأصحاب
فجأة شافوا الصبح في الشباك
قاموا مـ الإرهاق..
خلاص..
ناسيين

1,131 total views, 3 views today